2023 жылдың 25 қараша күні Қарағанды қаласының мәдениет, тілдерді дамыту, дене тәрбиесі және спорт бөлімінің қолдауымен М.О.Әуезов атындағы орталық қалалық кітапханада Теміржолшылар мәдениет сарайымен бірге Міржақып Дулатұлының туған күніне орай "Алаш айлығы" аясында «Азаттықты аңсаған ұлт көсемі» атты шара өткізілді. Шараға Кеңес Одағының батыры Т.Я.Бигелдинов атындағы Қарағанды «Жас ұлан» республикалық мектебінің оқушылары, кітапхана оқырмандары қатысты. Шара барысында «Міржақып. Оян, қазақ» сериалының үзінділері көрсетіліп, балаларға қызмет көрсету бойынша №1 филиал кітапханашысы Абильдина Азиза «Бақытсыз Жамал» романынан үзінді оқып, Қарағанды теміржол колледжінің 3 курс студенті Әлихан Медеуұлы «Оян, қазақ» өлеңін мәнерлеп оқыды, теміржолшылар мәдениет сарайының әншісі Дүйсенбин Шырақбектің орындауында «Қазақстаным», «Байтақ елім» әндері шырқалып, Казмитка Марат Қызметханұлы «Ақсақ құлан», «Салтанат» күйлерін тарту етті. Шара соңында «Азаттықтың жаршысы - Міржақып» кітап көрмесіне шолу жасалып, қатысушылар естелікке суретке түсті.

15 қарашада М.О.Әуезов атындағы кітапхананың балалар бөлімі "Ақниет" балабақшаның жоғары топтағы балалары үшін "Ғажайып ел кітапханасы" атты экскурсия өткізді. Іс-шараның мақсаты: балаларды кітапханамен таныстыру. Ұлдар мен қыздар оқу залына, абонементке және кітапхананың балалар бөліміне үлкен қызығушылықпен барды. Біз кітапхананы пайдалану ережелері туралы, қалай жазылу керектігі туралы білдік және кітаптармен қалай жұмыс істеу керектігі туралы әңгімелестік. Іс-шара соңында балалар ойын ойнап, естелікке бетбелгілер алды.

Қарағанды қаласы әкімшілігінің, «Қарағанды қаласының мәдениет, тілдерді дамыту, дене тәрбиесі және спорт бөлімі» ММ-нің қолдауымен М.О.Әуезов атындағы орталық қалалық кітапханасында ҚР Мәдениет қайраткері, Құрметті спорт қызметкері, «Ғажайыптар әлемі» кітабының авторы, Бауыржан Момышұлының «Батыр шапағаты» медалінінің иегері Шуланбаев Абылай Ілтайұлымен «Сарыарқа саңлағы» атты кездесу кеші өтті. Кездесу кешінің қонақтары: Қарағанды қаласы әкімінің орынбасары Л.Т.Ақылжанова, ҚР Парламенті Сенатының Қарағанды облысынан депутат Р.Қ.Әбдікеров, Халықаралық «Құрмет» ордені мен «Еңбек Қызыл ту» орденінің иегері, ҚР Еңбек сіңірген мұғалімі, Мәдениет қайраткері, Самбодан Қазақ КСР Еңбек сіңірген жаттықтырушысы, Жаңаарқа ауданының құрметті азаматы Д.Д.Биткөзов, «Парасат» ордені мен «Еңбек үздігі үшін» медалінің иегері, Қазақстанның Еңбек сіңірген қайраткері, Қарағанды облысы, Қарқаралы ауданының Құрметті азаматы Р.К.Омарбекова. Кездесу кеші Қали Байжанов атындағы концерттік бірлестігінің «Арқа сазы» фольклорлық ансамблінің сүйемелдеуімен өтті. Шара барысында кеш кейіпкері Абылай Ілтайұлын Қарағанды қаласы әкімінің орынбасары Л.Т.Ақылжанова «Еңбек даңқы» медалімен марапаттады. Арнайы шақырылған қонақтар, Абылай Ілтайұлының замандастары, әріптестері естеліктерімен бөлісіп, мерейтой иесіне ізгі тілектерін білдірді. Кездесу кеші естелік фотосуретке түсумен аяқталды.

2023 жылдың 25 қазан күні Ұлттық мереке - Республика күніне орай М.О.Әуезов атындағы орталық қалалық кітапханасында "Мәңгілік жаса, қыран елім Қазақстан" атты патриоттық квиз өткізілді, осы шара аясында «Жастықтың жалынды жырлары» атты кездесу кеші өткізілді. Кездесу кешіне арнайы шақырылған қонақтар: ақын, журналист, Қазақстан жазушылар одағы Қарағанды облыстық филиалының директоры, «Тәңір таңбасы» кітабының авторы - Жанат Жаңқашұлы және ақын, «Мөр» жинағының авторы, Ж.Тәшенев атындағы «Жылдың үздік ақыны» сыйлығының иегері, қаламгерлерге тағайындалған «Алтын жолақ» атауының иесі, Қазақстан жазушылар одағының мүшесі, «Ortalyq Qazaqstan» газетінің тілшісі – Ерік Нарын. Шараға кітапхана оқырмандары, кітапханадағы «Өнерлі бала» және «Султик» клубының мүшелері, қала тұрғындары, Белсенді өмір сүру орталығы қатысты. Шара барысында қонақтарымыздың өлеңдері оқылып, әсем ән де шырқалды. Кездесуде қонақтарға сұрақтар қойылып, шара еркін форматта өтті. Кеш соңында «Мәңгі жаса, қыран елім Қазақстан!» кітап көрмесімен таныстырылып, естелікке фотоға түсті.